Tabata mas o menos 11:35pm cu a sosode un accidente basta pisa na altura di Sero Biento na Santa Cruz. E dos autonan envolvi ta un auto marca Nissan modelo Cube y un KIA Picanto. Ambos chauffeur a resulta herida y a rekeri tratamento medico di Paramediconan riba Ambulance.
Con exactamente e desgracia a sosode no ta mucho cla, pero tin testigonan ta insisti cu lo mester tabata coriendo duro, a bay pasa otro y esun a baha caminda, dal den cura di un cas pa despues e otro auto dal frontal den dje.
E daño material na e autonan ta considerabel. Hasta airbag a sali dor di e impacto fuerte. Chauffeur di e Cube a keda benta riba caminda y tabata keha di hopi dolor.
