Candela intencional a haci bisiña malo

Diasabra anochi pa mas o menos 8:40pm a solicita pa Brandweer presenta mesora den Mgr. I. Verrietstraat na San Nicolas pa un candela di mondi cu ta menasando un cas. Polis tambe a core yega pa brinda asistencia. A constata sinembargo cu mester di Ambulance tambe debi na un bisiña cu a enhala hopi huma y a sinti su curpa malo.

E cas ta situa net pabou di John Wesley College. Parce un  anti social a cende e mondi na candela, cu a bira un menasa pa 3 cas den e area. Polis a busca den vecindario pero no a topa cu e autor di e candela. Paramediconan riba Ambulance a brinda asistencia na e victima den su cas mes.