Esaki ta di dos aña cu a organisa e mega actividad di “Welcome to Jouvert” The Ultimate Jouve Experience dilanti di ex Las Vegas Bar, unda cu a reuni un cantidad masha grandi di hende gosando y alabes preparando pa jump den Jouve.
E actividad aki a conta cu un variacion di atraccion musical, pero alabes cu diferente atraccion entre otro un seccion di foam, truck di awa, azeta y un seccion di puiro.
Como atraccion musical tabata tin Banda Steam, Blacky, T-Money, introduccion di Soca Mafia Aruba, cu ta; Dj Whiteboy, Bang Daddy, Wine It Up Crew and The Spiceman. Como artista internacional invita, tabata tin e conocido artista di St.Maarten King James. King James no ta un desconocido, pasobra e ta e ganador absoluto di e concurso di Roadmarch 2018 y 2019 na St.Maarten, Tambe su persona a gana e concurso di Groovy Soca 2019, y tambe artista di aña 2019 cu su hit song ‘My Team Litt”.
Welcome to Jouvert sigur a yama atencion di masha hopi hende, manera cu por mira den e graficonan, unda cu sigur e ambiente a reina prome cu Jouvert Morning.
