Eta un reunion pa mi papia cu mi hendenan,”Altocomisario drs. Ramon Arnhem a bisa na momento cu a puntr’e e motibo di un reunion cu miembronan di Cuerpo Policial di Aruba (KPA) hunto cu ne na POVA. Inicialmente a pensa cu lo tin problema interno, pero a bin compronde cu Altocomisario kier mantene un bon linea di comunicacion cu e Polisnan.
El a sigura cu no tin problema y cu simplemente e kier ta transparente. “Mi no tin un agenda. Ta importante pa nos papia habri cu otro.”
Ta normal den un organisacion manera KPA cu tin biaha tin pregunta, of preocupacion. Y e tipo di reunionnan aki hustamente ta un bon oportunidad pa cada miembro haya chens di papa cu ne. E idea ta pa organisa tipo di encuentronan asina mas cu un biaha pa aña, dunando e Polisnan chens pa comunica di forma directo cu e Altocomisario. Di e forma aki nan tin e chens pa haci tur e preguntanan cu nan tin.
Di otro banda, si tin pregunta cu ta tiki pisa of incomodad pa hacié den grupo, semper por manda esaki pa e sindicato cu lo percura pa yega cerca dje. “Full transparencia y comunica cu mi hendenan ta loke mi kier logra.”
Esaki ta prome biaha cu un hefe di cuerpo policial ta tene un reunion den e forma aki unda sindicato y su miembronan ta presente. Ärnhem a sinti su mes bon, pasobra di e forma aki ta haya sa con e hendenan ta sinti y ki direccion mester bay riba cierto asunto. Pero tambe con e Polisnan ta sinti cu cierto situacion.
E asistencia tabata basta bon tambe.
