Tur hende ta pendiente pa e certamen di Miss Universe cu e aña’ki ta tuma luga na El Salvador y unda Aruba ta representa pa Karol Croes.
Aruba completo por sintonisa e certamen di beyesa diasabra 18 di november cuminsado 9:00 pm. Pa clientenan di Digital Cable riba canal 61 of 97 of HD na canal 320 of 357, pa clientenan cu tin e Basic International tier por mira esaki tambe na canal 186 of HD 401.
Riba e anochi final, tur candidata ta subi escenario pa un solo biaha, den nan trahe di gala. Inmediatamente despues di esaki ta anuncia cual ta e 20 finalistanan. E escogencia di e 20 finalistanan ta basa riba entrevista cu hurado diamars ultimo, y e anochi preliminar cu nan a sali riba escenario den trahe di gala y trahe di baño.
E 20 finalistanan ta subi escenario den trahe di baño y ta saca e dies finalistanan. E diesnan ta subi den nan trahe di gala y ta pasa pa e fase di pregunta. Aki ta scoge of anuncia e tres finalistanan cu ta bolbe pasa den un ronda di pregunta y scoge kendenan a keda como finalista y kende ta bay cu e corona.
Clientenan di SETAR Complete Y IPTV por mira e certamen na canal 88 y 103 HD of pa cliente cu tin Basic Internacional Tier na canal 36 HD.
E cobertura di Miss Universe for di San Salvador ta wordo presenta exclusivamente pa Dufry Duty Free cu un tremendo specials na su tienda den Caya Principal riba perfume y su RED App unda bo por spaar y uza punto. Tambe SETAR NV : Bo kier Double data? Busca bo Prepaid data bundle di 3 dia pa Afl.15 y ricibi double data riba diabierna!
