Diabierna mainta, Cuerpo Policial a tene un entrada hudicial na un cas den Sero Patrishi caminda cu a detene un persona.
Den cuadro cu esaki, a manda un comunicado di prensa, caminda cu ta indica cu tres siman pasa tabatin un caso di intento di asesinato na un bar den area hotelero. Recherche di Noord a cuminsa un investigacion rigoroso na unda cu diabierna den ora di mainta Team di Aresto a detene e sospecho H. di 18 aña di edad y naci na Aruba riba caya.
Despues a haci un entrada hudicial conhuntamente cu K-9 na un cas na Sero Patrishi. Durante e entrada hudicial a haya un arma di candela mas municion y droga.
No ta descarta cu lo tin mas detencion.
Un tremendo trabao di recherche di Noord cu a traha incansablemente pa pone man riba e sospechoso.
Cuerpo Policial ta haci un apelacion esunnan cu sa algo of mira algo yama e tiplijn di polis cu ta 11141. Bo anonimidad ta keda garantisa.
