Dialuna anochi tabatin varios caso unda hombernan ta busca problema, pero asina cu nan haya sa cu polis ta na caminda, mesora nan ta core sconde of bay for di e sitio. Un di nan dialuna anochi tabata di hombernan bringando.
Casi 11’or di anochi tabatin hopi desordo den Nieuweweg pa cual bisiñanan a pidi asistencia, pasobra nan tabata tende hopi grito. Polisnan na e sitio mes a compronde cu lo tabatin un pelea, y e agresor a bandona e sitio caba.
E polisnan a plama y a bay tira bista rond basa riba e informacion cu nan a ricibi na e sitio. Nan a bay den area di Diamantbergweg, despues Weg Kustbaterij y hasta den e mondinan a cuminsa busca, ya cu e persona lo por ta eybanda. Pero nada. Hasta a pidi transportwagen por si acaso cu nan gar’e. Pero nada di e agresor.