Un yiu rebelde a lanta cu su mama y a kibra cos den cas. E situacion tabata asina tenso cu polis mester a bay na e sitio, pero na momento cu el a haya sa polis ta na caminda, el a huy for di e sitio.
Tabata diamars marduga, un poco despues di mey anochi, varios unidad policial a presenta na Caya St Lucia pa un yiu cu a lanta cu su mama y kibra cos den cas. Na yegada di polis a bin compronde cu e conocido di polis Joshua Wouters ya a bula bentana caba bay y posiblemente lo por tin arma di candela den su poder. Ya caba a yega di atende cu e hoben aki den problema di pasado y conoce como un persona cu por ta peligroso.
E polisnan a cuminsa busca den bisindario, mirando cu el a huy na pia. Transportwagen tambe a keda circula den e area pa wak si nan ta topa cu ne, pero sin resultado.
