Accion 21, manera programa, a bay entrega su lista na Censo.
Mirando cu e eleccion aki ta su prome salida, nan mester di sosten di pueblo pa asina nan por participa.
Accion 21 ta e prome pa entrega y e ta forma parti di e partidonan nobo cu lo ta entregando lista, manera Pueblo Prome y tambe HTC.
Pa loke ta Transforma PPA, UPP, CURPA, MAS y RAIZ, nan a participa caba den e ultimo eleccion, sinembargo nan tabatin di sosten di pueblo pa asina nan por a participa.
E biaha aki, mirando cu nan no a drenta parlamento, nan tin mester di sosten un biaha mas.
Pa loke ta e partidonan den parlamento, esta RED, MEP, POR y AVP, no tin mester di sosten.
Candidatonan
1. Miguel Mansur (lider di partido)
2. Daphne Lejuez
3. Gerald Vingal.
4. Cristian Soto-Garcia
5. Diego Acevedo
6. Flora Petronilia
7. Zoraida Conijn-Berkel
8. Mitchell Ho-Asjoe
9. Tony de Jonge
10. Hans Zaandam
11. Edmar Gietel
12. Raymundo Dijkhoff
13. Leonardo Maduro
14. Leonardo Figaroa
‘Solucion ta cuminsa cu accion’.
Miguel Mansur ta gradici na prome luga na Dios y despues di su famia. E ta hopi contento di por a entrega e lista. Ta invita pueblo pa bira accionista den futuro.
Miguel Mansur ta priminti cu progreso ta na caminda.
Mansur a comenta cu e ta hopi satisfecho cu e team cu a forma. Comentario riba caya ta hopi positivo.
Mayoria di nos habitantenan kier un cambio y ta cansa di e mentiranan.
Pa loke ta nan plan di gobernacion, despues di dia 15 di mei, esaki lo ta entrega.
Feedback y campaña
Tur hende cu ta riba lista Mansur por hustifica pakico nan t’ey y e ta hopi di sigur pa bay eleccion cu ne.
Lo tin un campaña digital como tambe personal. Awor aki nan ta sacando un Save the Date y bin firma entrante 10 di mei. Tin confiansa cu nan lo bay eleccion.
Mansur a sigui splica cu el a haya bon feedback di pueblo pa loke ta nan candidatonan. Tur loke nan ta sperando aworaki ta suficiente firma entrante 10 di mei, manera ya indica, pa asina nan tambe forma parti di eleccion 2021.
