Lisette Malmberg ta contento cu Transorma PPA a entrega lista awe mainta na censo na e ora stipula como di dos partido. Nan ta gradicido pa e proceso y cu den 3 siman a logra forma un lista di personanan profesional y ekipa. Personanan serio, cu compromiso cu e pais y cu ta sirbiendo caba den comunidad.
Ta representa tur districto di Aruba y tin tur diferente area di gobernacion cu ta encera recursonan nacional, etc.
Ta contento cu awe por tin e logro aki.
Cu e lista aki Malmberg ta elabora di e experticio di su ekipo cu ta cla pa bay eleccion.
Tur loke nan tin mester awor aki ta firmanan di sosten. Entrante 10 pa dia 18 di mei, pueblo por registra y firma pa asina Transforma PPA por participa den e proximo eleccion.
Den e dianan cu ta bin e partido lo presenta su plan di gobernacion na comunidad.
PPA ta un partido di historia
Pa loke ta comunidad, nan ta asombra y contento. E caida di gobierno y e eleccion a cay bon. Algo nobo a surgi. Tabatin varios candidato cu tabata milita den PPA cu a bay y awo kier bin cas bek.
PPA ta conta cu contribucion di hopi asociacion y nan ta contento cu esey. PPA ta cla pa ehecuta y ta cla pa trece e cambio pa comunidad.
E demas partidonan
Tin varios partido nobo e aña aki. PPA tin un strategia politico y tambe a traha un caminda pa esaki. Ta contento cu e caminda cu nan tin dilanti. Ta bayendo todo por todo den Parlamento y si haya chens pa goberna pa trece cambio den varios area.
Lista di 17 candidato
Tin dos motibo. Uno tabatin tres siman cu na por a forma un lista. Nan tin un proceso hopi extenso pa por bin abordo. Esta cu tur hende mester pasa den un proceso multiple prome cu nan a subi lista. No ta tuma cualkier persona.
Na momento cu haya chens pa goberna hopi biaha ta nota cu ken ta goberna. Ta importante pa bay cu calidad y no cu cantidad.
