E siman aki ta raporta un accidente semi frontal un biaha mas riba e caminda grandi di Jaburibari, noord. Diahuebs anochi polis ta presenta dilanti e supermercado caminda cu ta en contra dos vehiculo cu ta accidenta practicamente na mes manera cu tur otro registra na e sitio aki.
Un Pickup oranje a sali for di e laundry direccion noord, dilanti un otro vehiculo cu tambe tabata bayendo noord. E vehiculo aki ( Toyota Corolla ) maneha pa un dama chauffeur, su prome reaccion tabata di hala na man robes p’asina evita e impacto tras di e pickup.
Decision cu no a sali’e na bon e biaha aki. Di direccion contrario tabata biniendo un Nissan March tambe maneha pa un dama cu no por a evita e impacto mas. E dos vehiculonan ta encontra otro semi frontal cu bastante daño material.
Pa nan sorpresa e pickup cu ta esun cu sali dilanti trafico y cu pa suerte di pushi no a ricibi ningun golpi, a coy su caminda bay y disparce den horizonte. Polis atento a bay tuma dato di camara di siguridad den vecindario y wak si por reconoce e pickup/ modelo y /o chauffeur. Algun rato despues a topa cu e pickup en cuestion den cura di un cas no mucho leu di e sitio di accidente. A acerca doño di e vehiculo y a constata cu ta trata di e mesun vehiculo.
Polis di su banda a hala atencion di e chauffeur aki, cu aunke e no a ricibi daño, ta responsabel di a ocasiona e accidente y a core bay for di sitio. Impacto tabata fuerte y dos dama a resulta levemente herida. Ambulance a atende cu nan na sitio.
