Diasabra atardi alrededor di 5:40 pm a sosode un accidente riba e caminda principal di Savaneta. Tres pickup tabata envolvi den e accidente aki. Un marca Toyota, Isuzu y un pickup poco mas grandi di carga santo. Daño material na tur tres pickup tabata basta. E impacto tabata asina fuerte cu hasta un di e chauffeurnan a keda pega den auto.
E materialenwagen di brandweer a presenta na sitio p’asina corta e auto y rescata e chauffeur. Por lo menos dos unidad di ambulance a presenta na sitio p’asina brinda atencion medico na e chauffeurnan cu a resulta herida.
A cera ambos band’i caminda pa por atende libremente cu e accidente aki. Polis di trafico a documenta e accidente mientras e proceso investigativo ta cuminsa pa por saca afo con e accidente a sosode exactamente.
