Diaranson atardi polis tabata hopi ocupa cu diferente accidente rond di nos isla. Entre nan na Morgenster.
Aki ta caminda cu chauffeur di un Ford Explorer a bay lora na su man robes net na momento cu un scooter a bay pas’e den banda. Consecuencia di esaki tabata cu e motociclista a dal den e Ford y a cay, herida su curpa.
Ambulance a presenta p’asina brinda atencion medico na e motociclista, na final no tabata necesario pa hib’e pa hospital. Daño material tabata considerabel. Polis a presenta p’asina documenta y registra e accidente.
