Na Corsou a tuma luga e di tres reunion tecnico p’e reapertura di frontera entre e paisnan den Reino y Venezuela. E reunion aki a tuma luga dia 31 di januari 2023.
Di acuerdo cu e declaracion mutuo cu previamente a keda acorda dia 13 di december 2022, e consultanan a concentra riba e reapertura gradual di e frontera maritimo y aereo. Durante di e reunion tabatin oportunidad pa cada un di e paisnan presenta nan punto- y proposicionnan.
A discuti ampliamente riba reanudacion di e barconan di fruta, berdura y pesca for di Venezuela pa Corsou caminda entre otro a papia di intercambio di informacion di certificado y e condicionnan pa entrada dje tripulantenan di e barconan.
Alabes a discuti tambe tocante un tratado di Duana entre e paisnan di Reino y Venezuela. Den e proximo periodo lo sigui traha riba e puntonan tecnico pa yega na un apertura sigur y gradual di e frontera.
Gobierno di Corsou lo fiha pronto un fecha concreto pa reapertura gradual di e frontera maritimo.
Lo bay sigui traha hunto tambe pa yega na un reapertura gradual aereo.
E reunion a cana den un bon esfera.
