Un caso basta serio di menasa y sacamento di arma den Dakota. A bira asina serio cu un persona a resulta herida cu corta di machete. Polis a presenta cu maximo urgencia.
Esaki a tuma luga den careda di 2:30 pm den Fiyostraat na Dakota. Diferente patruya a yega den e area pa asina cuminsa tuma dato y analisa e situacion.
A bin compronde cu un conoci di polis lo a agredi un familiar cu machete y despues saca un arma di candela y menasa e persona aki cu ne. Tur esaki ta informacion cu e victima lo a duna di conoce. Cu el a wak un revolver 38 special, cu e persona tabatin den su man na momento cu el a bandona e sitio den un Toyota Tercel blanco.
Nan a bandona e sitio y a cuminsa un buskeda mesora. No mucho despues a indica cu tin un vehiculo (Un Nissan Sentra blanco A-46546) para y tres persona deteni. A compronde tambe cu ta trata di un conoci di polis di fam Kock. E tabata acompaña pa su yiunan. A bin haya e auto na e cas den Fiyostraat mes cu ta algun meter leu di caminda e sucedido a tuma luga.
A compronde na sitio cu e victima ta su mayor, cu ta hende adulto caba. Nan lo a dirigi nan mes pa warda di recherche pa pone denuncia. Mientras cu a hiba e tres detenidonan, den patruya mes, direccion warda. Investigacion lo determina locual a confisca na e sitio y motibo di detencion.
Cu esaki ta trata di diferente caso di arma di candela den menos di 24 ora. Na Jaburibari a pasa tira y perfora auto, na Shaba a drenta informacion di un persona riba brommer lo a pasa los tiro den laira durante careda y e detencion di awe. Cu ta un situacion basta preocupante y alarmante riba nos isla.
