E aña escolar aki a bay un tiki turbulento. A cuminsa cu hopi reto. Pero a haci nan best. Aunke algun les a cay afo, lo continua.
Pa loke t’e resultado di e unidad, segun Randy Tromp, opleidingsmanager na Unidad S&S, e lo yega un tiki mas cu 50%, pero ta bezig cu algun cos ainda. No por bisa nada oficial ainda, ya cu e mester pasa e canalnan necesario. A pesar di e aña turbulento den Colegio EPI, el a bay hopi bon.
Fuera di e turbulencia cu a tuma luga na Colegio EPI, e resultado tabata basta satisfactorio. Segun Tromp, innovacion a percura pa cos nobo cu a introduci, pa afecta full e Unit na S&S. Tabata falta docente na comienso di e aña, aunke na final si a logra.
Mester a haci algun cambio hasta den e curiculo pa logra tur e lesnan. Esey a hinca nan den basta problema p’e unit draai manera debe ser.
Kier planea bon con ta cuminsa otro aña. P’e aña escolar cu ta bin, nan ta hopi ambicioso. Asina hopi cu nan kier traha un rooster trempan. Esey ta e plan cu nan tin te aworaki. Esey sigur lo yuda p’e aña escolar cuminsa hopi mas suave, Tromp a comenta.
