E maneho di Minister di Transporte ta keda pa promove un avion cu ta carrier national. Tin Aruba Airlines, pero e no ta bula for di Aruba. E aerolinea aki ta bula di Merca, Cuba y Guyana. Durante presentacion di minister a mustra diferente aerolinea cu a bula, pero actualmente Aruba mes no tin un aerolinea cu e bandera.
Minister di Transporte, Ursell Arends, a indica cu e rol di gobierno ta pa yuda facilita. Si tin interes semper por conta cu gobierno ta yuda facilita. E no ta un tarea di gobierno, pero ta di sector priva. Gobierno di Aruba y e departamentonan encarga lo yuda facilita esey.
Pa loke ta e aerolinea di cargo cu ta bula entre Aruba y Corsou tin diferencia di opinion pa locual ta licencia. E mandatario a indica cu awe mainta, esta 28 di juni, el a ricibi un carta oficial di peticion. E mester bay atende cu e departamentonan concerni riba e punto ey y pa mira con ta yega na un solucion.
Tur hende sa cu n’e momentonan aki e frontera di aviacion entre Aruba y Venezuela ta cera. Mester tuma un decision riba esey prome cu sigui cu e tema.
