Ayera anochi en conexion cu un investigacion andando, recherchenan di Atraco team a detene e homber Venezolano di inicial L.A.P.O. di 27 aña di edad, plus dos ilegal di nacionalidad Venezolano, cu tawata hunto cune den su auto. Ta sospecha e persona deteni di a comete diferente atraco den e luna di december y ta consider’e hopi peligroso. A uza e ekipo profesional di Team di Aresto pa detene e sospechoso, cu tabata den su auto.
Tambe a haci entrada hudicial na un cas den Colombiastraat na Playa, unda a detene dos ilegal mas, ambos di nacionalidad Venezolano. Na mes momento a haci un otro “inval” na un otro cas situa na Wernetstraat na San Nicolas.
No ta descarta mas detencion lo bay cay den e proximo dianan en conexion cu e mesun investigacion aki.
Pa Cuerpo Policial Aruba por resolve mas caso, cooperacion di pueblo di Aruba ta hopi importante, pesey ta pidi si tin cualkier informacion pa yama e tiplijn: 11141.
E foto di detencion ta di archivo.
