E conocido di husticia “Kabouter” atrobe ta den man di husticia. E ta un conoci di Polis cu ta cay cera hopi biaha pa ladronicia. Awe 11:00am Polis a para Kabouter na stuur di un auto dilanti Weli Supermarket. E auto ta marca Nissan y e number riba e auto ta A-30813. E tabatin plachi number patras so. E number no tabata klop cu e auto. E auto no tin documento.
Kabouter no por a duna autoridad un splicacion satisfactorio di unda e auto ta procedente. A sospecha mesora cu e auto por ta horta. A bay over na detencion. E tabata cu un otro persona pero Polis no a detene.
Polis a confisca e auto y a hib’e warda di Balashi pendiente investigacion.
