Departamento Meteorologico di Aruba a emiti un recordatorio riba e alerta pa biento duro, cu ta keda na vigor te por lo menos diamars, 6’or di atardi, cu aviso pa boto chikito pa lama habri y specialmente cerca di costa oost te cu noordwest ta na vigor te otro aviso.
Sinopsis
Un area di presion halto riba Atlantico ta causando diferencianan di presion grandi den region di Caribe. Biento lo bay supla cu mas of menos 22 te 27 nudo y ta anticipa cu lo por tin rafaganan cu de bes en cuando lo por yega 35 te kisas 40 nudo (beaufort 8) specialmente durante di un posibel awasero.
Esaki lo haci cu lama na su turno tambe lo bira bruto.
Accion de precaucion
Ta pidi publico pa tene cuenta cu e biento duro y specialmente na usuarionan di lama y marineronan ta wordo urgi pa tene cautela riba lama habri y cerca di costa ya cu e biento duro lo bay causa lama localmente bastante bruto.
Cuidao extremo mester wordo tene na costa noord y ta pidi usuarionan di lama y doñonan di boto chikito pa no aventura na costa noord.
