Un rato pasa alrededor di 11:00pm polis a hay’e ocupa cu un homber fastioso den Hendrikstraat, net dilanti Manuelito’s Sport Bar. E homber tabata haci masha dificil ora polis a dun’e ordo pa bandona e sitio, teniendo cuenta cu ya e barnan den area a cera caba.
No a dura mucho cu un miembro di siguridad na KFC den Playa a bati alarma p’e mesun homber cu a tir’e cu piedra.
Polis a cuminsa un buskeda den e area pero no a topa cu ne. Algun rato despues a canta bingo ora a top’e dilanti Win Me den caya grandi.
A deten’e y transport’e pa ward’i polis caminda e lo pasa e rest’i anochi tra’i trali.
