Ta fo’i trempan caba automobilistanan a informa polis di un grup’i hoben cu kerstboom den man haciendo wega riba caminda. E grupo aki tabata move den Oranjestad y tur cos ta mustra cu nan tabata busca atencion di polis. Na final nan a logra tambe!
Mas den laat, alrededor di 12:15am polis di Playa a topa cu tres kerstboom y un palet benta memey caminda riba Watty Vos Boulevard, entre rotonde di Ponton y Madiki.
Memey di anochi mester a pidi presencia di un pickup di polis pa transporta e kerstboom y e palet pa dump.
