Diahuebs banda di 8:00PM, un motociclista tabata riba e caminda di Sabana Grandi na momento cu el a accidenta y a termina herida. Unidad policial a presenta na e sitio pa haya mas informacion di loke a sosode.
E motociclista masculino a splica e agentanan cu na momento e tabata pasando, cachonan a pasa dilanti dje. Pero un di e cachonan a pone cu el a perde control di su brommer y dal abou. El a haya algun rasca y a ofrece asistencia medico, pero el a bisa nenga esaki. Na sitio el a splica e agentenan cu e ta desea pa nan atende cu e responsabelnan di e caho y pa seguro cubri daño di su brommer.
Algun aña pasa a drenta na vigor e ley di cacho, unda cu ta prohibi e doñonan pa nan cacho ta riba caya. Pero asina mes cachonan ta cana los riba, sea ta ataca hende of ta ocasiona accidente. Polis a tuma declaracion di e motociclista, mientras cu Forensys tambe a presenta pa traha un rapport pa seguro.
