Diasabra anochi un unidad di polis motorisa patruyando riba e caminda di Mahuma a señala un auto marca KIA modelo Sportage color preto numera A-52690 coriendo sin luz. Polis a activa mesora y a duna e chauffeur señal pa para e auto banda di caminda pa un control.
Sinembargo, durante e control di polis riba e documentonan di e auto, a constata cu e chauffeur no tin rijbewijs. Consecuentemente, di acuerdo cu maneho di polis pa algun tempo caba, ta detene e chauffeur y hib’e warda pa interogacion. E pasahero den banda a keda di hiba e auto cas.
