Un homber na stuur di un auto Mitsubishi Lancer a accidenta na Boegoeroei. E ta asina bebi cu el a lubida cu awor tin un rotonde riba e caminda. Banda di Fermins Bar el a pasa riba e rotonde cap dos tire y sigui core direccion Noord.
E unidad di Polis cu a mir’e a sigui su tras y pare banda di Boegoeroei eynan mes. Ora a atende cu e chauffeur a resulta cu e ta basta bebi. A detene mesora y pidi pa transporte special di detenido.
A hibe warda. Un familiar cu a presenta a atende cu Polis y a keda di move e auto pone un banda. Ambos tire dilanti tabata flat pa motibo di e impacto riba rotonde.
