Diadomingo anochi alrededor di 11:00 pm bisiñanan a bati alarma pa gritonan duro saliendo fo’i un cas. Ta na Caya Ernesto Petronia #34, aki ta caminda c’un homber lo tabata maltrata su pareha.
Varios polis di Playa y tambe di motorisa a presenta cu maximo urgencia. A rondona e cas strategicamente den Companashi pa e supuesto agresor no purba di huy mes. A deten’e y transport’e pa warda di polis, e doño di e compleho mes a duna polis autorisacion pa bay paden.
Nos a logra combersa cu un famia di e homber, el a conta cu, no ta trata di caso di maltrato. Ta un diabel a drenta e homber y cu nan tabata haciendo oracion p’e. Tur cos ta mustra cu e diabel a core sali for di e homber su curpa ora cu polis a presenta. A hibe warda pa e sosega.
Notabel ta cu e famia tabata tin paña na sanger. Kiermen e cos no tabata oracion so. E mama na yoramento a sali bisa cu e yiu tabata bebi. E ruman muhe tambe. Den bebemento cos a bay robes. E mama kiermen cu e yiu a bebe bira agresivo. E ruman ta bisa cu e tabata drumi. E desordo a lante. E tambe tabata hole alcohol durante cu e tabata papia. Finalmente cu e detencion e situacion a calma na e cas.