Den un programa di television a corona e representante di Aruba pa e concurso di Teen Universe 2021 y cu lo competi den e competencia cu lo tuma luga na April 2021 na Nicaragua. Delany Wever, miho conoci como Dello no ta un persona desconoci mirando cu na 2019 el a competi pa Reina Hubenil y ta masha popular pa e nomber Hello Dello.
Delany ta un hoben cu ta den hopi actividadnan social y tambe ta yuda den varios organisacion como boluntario. Un hoben alegre y cla pa enfrenta tur reto den su caminda.
Delany Wever kier a competi den 2020 pa Miss Teen Aruba International pero door di e pandemia esaki ta imposibel y manera e oportunidad a yega pa e por representa Aruba den exterior y despues di algun deliberacion e contesta pa su participacion tabata positivo. Delany ya caba ta tumando su lesnan di pasarela y tambe diferente otro lesnan di comunicacion y etiket pa asina e ta bon prepara pa e reto aki.
E coronacion a tuma luga na television, unda Roberto Avalo di The Salon a pasa e sjerp. E lo ta esun encarga cu Delany su peinado y makiyahe, mientras cu George Winterdaal presidente di GLW Foundation e la ser corona pa y a ricibi su flor for di man di Nurianne Helder Miss World Aruba 2018 y tambe den comishon di MTAI.
Delany ta bira e di 3 candidata cu GLW Foundation ta manda pa e concurso aki, e prome tabata na 2013 cu Isabella Gonzales cu a keda den e top 12. Na 2018 cu Daniella Pop cu a keda den Top 16 y awor Delany Wever. Ta desea Dello di awor caba tur clase di exito.
