Durante e mas reciente conferencia di prensa ofreci pa Minister di Deporte, Endy Croes, a bin dilanti e echo cu stadionnan di Aruba ta desaproba for di aña 2016 ya cu no ta cumpli cu standard di federacionnan internacional. E mandatario a menciona esaki den cuadro negociacion andando cu FIFA y otro stakeholder pa yega na e fondonan necesario.
Tambe a indica cu directiva anterior di Fundacion Facilidadnan Deportivo y maneho di gobierno di AVP lo ta e causante di esaki door di a desvia e recursonan cu tabata destina pa e mantencion di e stadionnan.
“Nos ta bezig cu Aruba Voetbal Bond (AVB) y FIFA cu ta bay inverti 2.4 miyon pa drecha Frans Figaroa; cambia e yerba y cambia tur e luznan pa pone como un stadion aproba bek pasobra for di 2016 tur nos stadion ta desaproba y pa e motibo ey nos seleccionnan ora mester hunga nan home game (wega na cas), mester huur stadion na Corsou of na Miami.”
