E hecho caminda cu criminalnan ta yega na armanan di candela ilegal na Corsou y otro islanan di Antias, ta “hopi preocupante”. Esaki ta segun e hefe mas halto di Ministerio Publico na Corsou, Sint Maarten y Caribe Hulandes diasabra, den un entrevista di despedida cu De Telegraaf.
Procurador General Guus Schram ta aborece e idea caminda cu gruponan di criminal ta yega na armanan di candela. “Pesey nos mester inverti mas den combatimento di contrabando di arma,” el a splica. Schram, kende despues di tres aña ta bay bek den e funcion di hoofdofficier van justitie di Ministerio Publico di Noord-Nederland, ta nombra e posesion di armanan di candela riba e islanan “nogal ingeburgerd.”
Si menciona Corsou, e cantidad di asesinatonan ta keda halto. “Tur aña tin por lo menos di 20 pa 25 victima y e populacion ta di mas of menos 170 mil habitante. Calcula pa Hulanda cu 17 miyon di habitante, tur aña ta conta cu 2000 pa 2500 morto. “Na Hulanda, segun oficina di estadistica CBS na 2016, tabata tin un cantidad di 110 asesinato.
