Diabierna, 1 di September tabata dia internacional di Prensa y alabes na e ocasion aki, a haci apertura di e exposicion di potret “E Lens di mi Wowo”, organisa pa e conocido fotografo, camaraman y reportero Anselmo “Leo” Vrolijk. Durante e exposicion aki, por lo menos 50 fotografo a participa aden cu mas of menos 300 potret, mustrando e publico en general, e joyanan di e trabao diario cu e fotografonan ta capta cu nan lens. Tin cu remarca cu un cantidad grandi di hende a asisti na e exposicion aki, no solamente publico, pero coleganan periodista y fotografonan, como tambe demas miembronan di comunidad manera Parlamentario y comerciantenan. Director regional di RBC, Pierre Rafini a hiba palabra, gradiciendo Leo pa e bon trabao eherci. E exposicion aki ta exposicion number 10, cual segun Leo a yega di bisa durante un conferencia di prensa a cuminsa como un Joke, pero a bin resulta di ta un exito tremendo. Durante e 10 añanan aki, mas di 3000 potret a keda exponi y varios deidcatorio a tuma luga durante tur e añanan aki. E aña aki, e ta pa Leo mes. Un palabra di pabien ta bay pa Leo cu su exposicion y esaki lo bay dura te cu dia 14 di September.
