Djabierne 19 di yanüari 2018 alrededor di 12.00 or sentral di polis a mèldu ku tin dos hòmber ku arma den man ta kana riba kaminda den e área di Kura Piedra. Mas aleu e informashon a drenta ku e hòmbernan aki a lòs bala, atraká un persona i kita un kadena for di dje.
Un patruya a bai na e sitio i na nan yegada den e área, e patruya a nota ku dos tipo a drenta un outo na un manera sospechoso. Mesora polis a kuminsá ku un persiguishon i a logra para e vehíkulo patras di un skol. Un di e sospechosonan tabatin e kadena prosedente di atrako den su saku di karson. Na e sitio polis a detené tres(3) hòmber sospechoso:
K.M. nasé na Kòrsou 25, aña di edat,
M.L.O. nasé na Kòsou, 25 aña di edat i
O.J.A.P.C. nasé na Kòrsou, 17 aña di edat
Kontinuando ku e investigashon aki, polis a buska den e vehíkulo i bou di asiento di e shofùr a haña un pistol 9mm ku bala skèrpi aden.
Polis a konfiská e arma di kandela, e balanan skèrpi i e vehíkulo pa mas investigashon.
