Do it Center ta contento di anuncia cu pa celebra Dia di Obrero y pa demostra aprecio pa nan empleadonan dedica, e tienda principal, Super Do it Center & Groceries, na Shaba, lo cera un ora mas tempran awe pa e fiesta anual di aprecio pa empleado. Nan lo cera pa 8:00 pm en bes di 9:00 pm manera normal.
E compania ta kere fielmente den honra e trabou duro y compromiso di su empleadonan y e evento ta un di e varios formanan cu ta expresa gratitud. E celebracion ta permiti pa e empleadonan por relaha, disfruta y recarga, sigurando cu nan ta sigui brinda e servicio excelente cu e clientenan ta spera.
Tene cuenta cu e cambio di orario di operacion lo afecta solamente e tienda principal na Shaba, Super Do it Center & Groceries. E otro localidadnan na Camacuri y Savaneta lo sigui opera durante nan orario regular. Di It Center ta pidi disculpa pa cualkier inconveniencia cu esaki por causa y ta aprecia comprension.
Tocante Do It Center
Eric Ponson a start su historia comercial na Aruba hopi aña pasa come trahado na General Store, un compania cu ta existi pa mas di 90 aña caba. Na dado momentp el a cumpra e negoshi di articulonan electrico over. Na aña 2007 a habri e prome Do it Center na Camacuri, conoci como un marca internacional un Hardware Store mientras cu na aña 2017 a crea Super Do it Center, e prome na mundo, cu ta conbina un hardware store y un supermercado. E negoshi, cu awendia ta emplea riba 200 trahado, lo sigui den e mesun concepto, solamente cu ta añadi e lineanan di producto Exito den nan variedad cu ta ofrece clientenan. Famia Ponson ta convenci cu asina lo por ofrece mas y miho producto na un prijs mas competitivo.
