Recientemente Aruba Basketball Bond tabatin preseleccion di Aruba U-17 na YMCA San Nicolas. E comision tecnico y tambe bondscoach por a evalua tur hungado pa scoge esunnan cu ta bay den e seleccion oficial cu lo representa Aruba na Nicaragua.
Den e proceso aki Aruba Basketball Bond tabatin yudansa di un N.C.A.A coach di Merca, kende a comparti su opinion riba diferente hungado na momento cu scoge e seleccion final.
Aruba Basketball Bond tin tur confiansa cu Minister di Deporte lo aproba e desaroyo di nos atletanan di basketball na Aruba. Aruba Basketball Bond ta desea e seleccion di Aruba exito den nan ultimo luna di preparacion.
Tocante Aruba Basketball Bond
A funda Aruba Basketball Bond dia 26 di januari na aña 1952 y actualmente tin 5 club miembro. Nan ta:
- Aruba Jrs
- SUF Stealers
- De Vuyst Impact
- CEO Dream Basketball
- SV Estrella
Oficialmente Aruba Basketball Bond tin registra mas di 300 atleta cu ta participa den campeonato pero tambe tin esunnan cu ta hunga na diferente parke sin cu ta registra.
Si Bo ta interesa pa hunga basketball, subi e pagina di Facebook di ABB na https://www.facebook.com/ArubaBasketballBond/ y nan mes lo yuda Bo pa hinca Bo den contact cu un di e 5 ekiponan activo. Probablemente esun mas cerca di Bo cas. Basketball ta un deporte di disciplina, hopi accion y movecion, cu ta bon pa bo salud y ta aumenta bo spirito di kier sobresali y gana!
