Tabata un momento hopi importante pa e trahadonan di SVb. Poco poco empleadonan di SVb ta haya mas autoridad tambe.
Segun director di e entidad, Edwin Jacobs ta un momento hopi importante pa e organisacion, pero tambe pa siguridad social na Aruba y pa proteccion di trahadornan. Ta un momento hopi crucial tambe.
Kico ta e caso
Na 2016 parlamento di Aruba a otorga SVb, mediante articulo 14D den e ley di seguro di malesa y accidente, e autoridad pa duna boet na dunadornan di trabao cu no inscribi nan trahadonan na SVb, pa e seguro di malesa y accidente. Ora bo tin e articulo ey, ta defacto a sanciona e incumplimento cu e ley di seguro di malesa y accidente, tin un procedura cu tin cu hiba. Y pa hiba e procedura ey, ta necesario pa e personanan cu ta bay traha cu supervision riba e incumplimento, tin loke ta yama un “bijzondere opsporingsambtenaar”. Mester a sigui un estudio pa esaki. Antes e tabata wordo yama Buitengewone agent van politie. Awor aki tin un sistema nobo cual ta BOA. A logra cu aña pasa a cuminsa cu e estudio aki pa e coleganan. 21 colega di SVb a participa den e studio aki y e comision di examen di instituto di polis a informa SVb cu 19 di e 21 candidatonan a pasa e estudio cu exito. Esey ta pone cu ta bin riba e condicion, despues cu nan ricibi nan Landsbesluit corespondiente, cu nan por actua den cuadro di e articulo 14D di e ley di Seguro di Malesa y Accidente y haya un doño di trabao cu no a sigura su trahadonan, nan por impone un multa riba dje.
A prepara e organisacion aki pa 2 aña pa a yega asina leu. Pa SVb ta un momento hopi grandi pasobra ta amplia e capacidad pa por ehecuta e ley y cumpli cu loke parlamento a otorga na SVb.
Multa
Esaki ta un multa administrativo. Ta un sancion si, pero uno administrativo. Pero tambe bo tin cu sigui bo proceduranan manera ta poni den ley, ora bo ta sanciona den e cuadro aki. E personanan mester a sigui na e academia di polis, henter un estudio con bo ta atende ora cu bo constata e infraccion di e ley, kico ta tur e pasonan cu tin cu tuma, pa bo traha bo proces verbaal pa asina bo multa ta den cuadro di ley y esnan cu no ta di acuerdo cu e multa, por bay den obhecion, sino nan por bay tambe den beroep, esta corte, pa esaki.
Ampliacion
Prome cu e cambio di ley aki, no tabata tin forma pa por a sanciona. Ora cu a constata un violacion di e ley, ta puramente a base di convence e doño di trabao pa e proteha e trahado. No tabata tin un forma sanciona e incumplimento. Ora cu e ley a bin na vigor, a haya e instrumento pa sanciona. Tabata tin solamente dos colega di SVb cu tabata tin autoridad como Buitengewone agent van politie. Mester a desaroya full un cuadro, den cual por ehecuta e ley. Tin full un maneho di boet cu ta riba nan website. Tin diferente categoria di boet pa diferente infraccion. E ta transparente y ta riba e website pa asina e dunadonan di trabao por tene cuenta di dje.
E multanan aki ta bin pa cabes y ta depende si ta prome biaha of mas biaha, si tin culpa den esaki. Tin diferente factor cu ya hurisprudencianan a pone cu bo tin cu tene cuenta cun’e y a base di esey tin un maneho di boet cu diferente categoria y nivel di boet cu ta transparente y e dunado di trabao por mir’e tambe riba e website.
Cambio di ley
E cambio di ley aki a drenta na vigor dia 1 di Juli 2016 y desde e momento ey ta constata na SVb of mas prome, ora cu a cuminsa anuncia cu parlamento a pasa e ley den luna di April y cu tin e instrumento aki, a constata cu un gran cantidad di trahado a keda registra y e aumento ey ta constantemente ainda. Awor aki cu tin e autoridad aki regla tambe cu por subi cu mas colega riba caya pa atende cu e infraccionnan, esaki lo bay conduci cu personanan cu ta trahando zwart, pa loke ta seguro di malesa y accidente, lo bay wordo pasa den e circuito blanco di seguro.
Bracket
E bracket ta cuminsa rond di 200 florin, depende di e infraccion, si ta pa prome biaha, cuanto multa bo tin, cuanto grado. E tin un structura basta bon den dje, conforme hurisprudencianan, tanto na Hulanda como na Aruba y a base di esey a traha esaki.
