Cu condicionnan Spartan den e bahia di Paracas, Peru, unda nan a competi na e Campeonato PanAmericano di slalom ultimo dianan.
Cu condition di bientonan duro, yena cu bida marino peligroso y un bahia yen di jellyfish cu tamaño grandi cualnan tawata un desafio addicional pa aproximadamente un total di 45 participante den e evento di windsurf di 5 dia organiza pa e Internacional Funboard Class Association (IFCA).
Despues di 2 dia di careda, no menos cu 6 vela di Aruba ta dorna den e top di classification. Den categoria menor e lista ta entrega pa Tom de Vries y Nicolas Verploeg den prome y segundo lugar respectivamente, sigui pa Toon Gaarthuis y Floris Kaffener den position shete y ocho.
Tambe den e categoria di Youth/Men e blauw Arubiano a domina cu rumannan Ethan y Nathan Westera den e prome y cuarto lugar respectivamente y Malik Hoveling den di shete lugar di e clasificacion interim.
Un bataya hopi emocional tawata wordo bringa entre e categorianan di Youth/Men pa e prome lugar entre Ethan Westera y Aron Everon (CUR). E local favorito Allesio Botteri (PER) ta caba den position number tres, pero e mester navega hopi mas liher pa mantene e joven Nathan Westera for di dje. Den careda di categoria Juniors nos a wak un bunita bataya entre Tom de Vries y Nicolas Verploeg.
Categoria Junior:
1st: Tom de Vries
2nd: Nicolas Verploeg
7th: Floris Kaffener
8th: Toon Gaarthuis
Categoria Youth:
3rd: Nathan Westera
7th: Malik Hoveling
Categoria Men:
1st: Ethan Westera
Windracers Club Aruba ta felicita su windsurfernan di Aruba cu nan position logra riba podium na Perú.