Por a sinti e remarcanan di pueblo ora barconan di fruta y berdura a bolbe for di Venezuela. Ta un discusion hopi bibo tambe cu un parti di e pueblo kier pa bay na e situacion prome cu Venezuela a cera frontera.
Tin un parti ta kere den un desaroyo nobo. Ta pesey ta loke a pisa tambe, cu ta kere den un mercado liber. Ta kere den un mercado caminda cu e consumidor ta beneficia y eynan, ta kere cu apesar cu ora Venezuela tabata tin e frontera cera, diferente supermercado, etc. a trece producto for di otro pais.
Tambe por a mira un entusiasmo bao di agricultornan local pa bende nan productonan, algo cu sigur ta di stimula. Pero na final ta e consumidor den e mercado liber aki ta dicidi. Y pesey cu el a wordo mira como positivo. Awor aki tin cu mira como positivo pero awor aki tin cu wak kico e destinacion final lo bira di e kade y tambe ta contento pasobra, manera cu a palabra, Corsou a cana hunto cu Aruba y Hulanda, pa loke ta Boneiro, cu awor aki e siman cu ta bin, dia 3 di Mei, lo tin un conferencia of un reunion preparatorio pa stem af tambe y pa despues e ora sinta cu Venezuela.
Agricultura bibo na Corsou
Tin un entusiasmo nobo bao di hobennan pa agricultura. Nan ta uza metodonan moderno manera Vertical Farming, y tambe Hydrophonics. Minister Camila Romer, ta bezig cu Riohacha y tambe cu Hulanda pa mira con por yuda cu e medio di tecnologia, stimula plantacion loca, pasobra e tin tur sorto di beneficio.
Uno, e ta reemplasa importacion. E ta spaar divisa y ta hacibo mas sigur pasobra bo ta produci bo mes un alimentacion y tambe bo sa di unda e producto ta bin y tambe e parti turistico mas y mas, ta mira cu personanan cu ta gosa di restaurant (horeca) kier mira local produce, kier mira innovacion, uzando productonan local. Pesey gobierno ta para tras di esaki y tambe ta figura, cu lo kier mira mas producto local tambe na e mercado flotante. Pa e motibo ey tambe minister Camila Romer, hunto cu Minister Martina, ta trahando hunto riba e producto nobo.
Deseo di e barconan
Prome minister mes no ta deal cu e barconan di Venezuela direct. Pero e tin di compronde di e deseo aki. Lo percura si cu pa banda di control, mientras cu nan tey, pa tin facilidad sanitario di e hendenan. Tin di compronde cu nan kier bay na e luga original pa motibonan comercial. Pero tin cu tene cuenta cu Corsou tin cu dicidi na prome luga kico e kier y despues lo mira con pa atende cu deseo di e empresarionan di exterior.
