Djamars dia 8 di mei 2018 e di kuater edishon di Rotary Walking Dinner ta tuma lugá. Mas ku 60% di kada karchi bendí ta bai pa e bon kousa: un aparato nobo di mamografia pa Fundashon Prevenshon (FP).
Walking dinner
E nòmber ta bisa tur kos kaba; ta trata di un sena kaminda kanando entre e restorantnan nan ta sirbi un kurso na total 5 sitio. Komo partisipante nan ta sirbi bo un sena kompleto i kada kurso ta na un otro sitio ku ta lòt ta determiná. Un tremendo evento pa siña konosé restorant i hende nobo pasobra e gruponan ta interkambiá kontinuamente.
E promé kurso nan ta sirbi na e plenchi di Octagon di Avila Beach Hotel kaminda tur partisipante ta haña un ruta personal. Mas ku klaro ku por inskribí tambe komo grupo i e ora ei komo grupo bo ta keda huntu. Seguidamente bo ta kana bai e promé restorant kaminda nan ta sirbi bo e promé plato. Den hopi kaso tin mesa grandi den e restorantnan kaminda bo ta sinta huntu ku esnan ta pa kasualidat bo ta topa. Despues bo ta kambia i ku bo grupo bo ta kana bai e siguiente restorant kaminda lo tin otro partisipante atrobe. Asina bo ta topa kada be otro hende. Despues di e postre tur hende ta bini huntu na CityBeach 88 pa sera e anochi.
Restorantnan ku ta partisipá
Sin e restorantnan nos lo no por a ofresá esaki i nan ta patrosinadornan grandi di e evento. E aña aki e restorantnan ku ta partisipá (den e órden alfabétiko) ta: Bijblauw, Blessing, Chez Ray, Cristal, Deja Vu, Fishalicious, Ginger, Kome, Mundo Bizarro, Scuba Lodge, St Tropez, Serafina i The Pen.
Gastunan i inskripshon
E gastunan pa partisipashon pa persona ta 150 florin, ku ta inkluí un areglo di bebida. Ta fásil pa registrá. Djis manda un e-mail pa [email protected]. Despues di registrashon e partisipante ta haña mesora tur informashon i por mèldu tambe deseo pa dieta.
Bon kousa: Fundashon Prevenshon
E rekoudashon di e anochi pa gran parti ta bai pa Fundashon Prevenshon pa kompra di un aparato nobo 3D tomograsynthesis di mamografia, klaro kompletamente bou di guia di direktiva di Fundashon Prevenshon i profesor dr. H.M. (Bob) Pinedo.
