Whatsapp a tuma nota cu tin hopi informacion falso ta circula entre usuarionan rond mundo. Esaki ta algo sumamente negativo! Pa por frena esaki e plataforma a dicidi di implementa un cambio den e app ora cu ta haci posibel ‘Forwarding’ di links. Na momento cu nan ripara cu un usuario a forward un link mas cu 5 biaha, automaticamente e no lo por manda e link pa mas cu 1 usuario simultaneamente.
Despues di e test esaki den e region di Africa por a nota un caida di 25% den mandamento di e asina yama ‘Forwards’. Whatsapp ta spera cu haciendo esaki mas dificil e lo contribui na baha e cantidad di noticianan falso.
