Durante e ultimo simannan e diferente plataformanan pa haci reunionnan digital a incrementa cu un porcentahe hopi halto. ‘Zoom’ ta un di esunnan mas popular pero ‘Google Hangouts’ tambe hopi popular debi cu no mester instala ningun programa pa uze. Sinembargo Google a confirma cu nan lo cambia e nomber di ‘Google Hangouts’ pa Google Meet.
Segun Google, esaki tabata plania pa tuma luga caba den luna di Mei proximo, pero a dicidi di adelanta e decision. Google ta nota cu diariamente e cantidad di usario di e servicio a subi cu 2 miyon hende.
Actualmente Zoom, cu tambe ta un opera un servicio similar, ta den un luz negativo despues cu analistanan a sigura cu e servicio no ta sigur. Ta mustra cu ta facil pa hende cu no ta invita pa bo meeting por haya acceso ilegal na bo meeting y informacion cu ta comparti den e reunionnan virtual aki.
