E dos sindicatonan VWI y SIWA, cada un cu ta representa un gran cantidad di trahado di WEB, a cuminsa cu un proceso separa den corte contra WEB Aruba NV, debi cu e ultimo aki den 2012, a sigui cu un descuento salarial di 12,6% den 2021 sin a bay di acuerdo cu e sindicato y e empleadonan. WEB a deposita e placa aki riba e fondo di FASE.
E sindicato, empleadonan y WEB a conclui un protocol pa e periodo di mei pa final di 2020 unda cu a acorda un cortamento den salario di 12,6% y cu lo deposita esaki na e Fondo di FASE, na beneficio di e empleadonan cu a perde nan trabao, relaciona cu e consecuencianan financiero y economico imprevisto di e pandemia di COVID-19.
E pregunta den e proceso cu e sindicatonan a cuminsa ta si e empresa di servicionan publico WEB no por a haci otro cos cu continua cu e descuento salarial pa e empleadonan di WEB den 2021, despues cu Hulanda a duna apoyo di likides na e pais den di e di tres y di cuater tranche cu e condicion cu e empresanan estatal na gobierno aplica e mesun descuento salarial cu na 2020.
Corte a dicta lo siguiente den un caso sumario.
E hecho cu si pais Aruba, cu a uni na WEB den e procedimento hunto cu e empresanan estatal, lo mester a acepta e condicionnan corespondiente na e di tres y di cuater tranche di e pakete nacional di Aruba for di Hulanda, no por aborda den e procedimento aki di medidanan provisional. Corte ta asumi e valides di e condicionnan aki.
Corte a dicta ademas cu WEB, como empresa estatal, mester clasifica como “un institucion afilia na gobierno” y por lo tanto, ta bao di e condicion declara cu ta pertenece na e di tres y di cuater tranche di apoyo di likides. Ademas WEB (via Utilities) ta propiedad total di e pais y ta cumpli un tarea publico importante cu e suministro di awa y energia na e poblacion di Aruba.
Compara cu e otro empresanan ordinario, como monopolista ta menos afecta pa e consecuencianan financiero economico di e crisis di COVID-19.
Awo cu, segun corte, e condicion imponi tambe ta aplica na WEB, e empresa no por stop di sigui aplica e descuento di salario di 12,6% den 2021. Segun corte, di acuerdo cu e criterionan special di e ley laboral di Aruba cu ta aplica den circunstancianan imprevisto manera e pandemia di COVID-19, esaki ta nifica rasonablemente cu e contractnan di trabao manera e empleadonan por modifica temporalmente di nobo den e punto aki. E interes di e empleadonan ta pisa hopi den esaki, pero WEB por sigui cumpli cu e condicionnan ta mas pisa. Den e protocol anterior di 2020, a haci mas acuerdo riba con por implementa e descuento salarial di 12.6%, pero (ainda) no a haci ningun acuerdo riba esaki. E partidonan ainda por dicidi pa yega na un acuerdo.
