Awe madruga Wardacosta, den bon colaboracion cu Cuerpo Policial Aruba, a logra intercepta un boto tipo “yola” cu cuater persona abordo riba lama. Despues cu a detecta e boto sospechoso, a dirigi dos boto di patruya Metal Shark na e sitio. Durante e persecucion e tripulantenan a tira diferente jerrycans den lama. Pa por a logra stop e boto, personal di Wardacosta a los un tiro di advertencia pa indica na e capitan pa e para e boto.
Despues di a logra intercepta e boto, a topa cu cuater hende homber di e nacionalidad Venezolano abordo. E agentenan di Wardacosta a logra saca tur e jerrycannan for di lama. Wardacosta a entrega e cuater hombernan y e jerrycannan, sospecha di tin droga den nan, na polis. E caso lo sigui bou di investigacion.
