Victima transporta cu urgencia: Cuater vehiculo envolvi den accidente grave

20998

Aproximadamente 5:00PM di atardi a socode un accidente bastanta fuerte riba Avenida Nelson Orlando Oduber (Ex Sasaki) caminda cu cuater vehiculo tabata envolvi. A transporta e chauffuer di un Hyundai Tucson ( Bruin ) cu ta e causante di e accidente cu urgencia pa Hospital.

Ta trata di un hoben masculino na stuur di un Hyundai Tucson riba caminda direccion playa. Segun por a compronde lo a bin di e crusada di Palm Beach (Mc.Donald) riba e banda drechi, e banda corecto direccion playa. Pa un motibo of otro a perde control di e vehiculo y esaki a cuminsa “spin” pasa riba e parti cu ta dividi e caretera y bay dal den e piedranan cu tin eybou, pa despues subi e otro banda di e caretera.

Breaking News: Accidente grave riba Sasakiweg cu hende pega den autoAccidente cu hopi daño riba Sasaki

Posted by 24ora on Sunday, September 13, 2020

E impacto tabata asina fuerte cu motor y varios otro piesa a kibra y bay spart dal riba e otro vehiculonan cu tabata riba caretera direccion noord. En total tres otro vehiculo a ricibi daño door di e impacto aki. Ta trata di unToyota Vitz ( Blauw ) cu un pida piesa di auto a bin cay riba e windshield di su auto, un Suzuki Liana ( Blanco ) cu a haya golpi den su banda y un Toyota Yaris ( Blanco ) cu a ricibi e impacto di e Hyundai na momento cu el a perde control.

Polis a cera e caminda y ambulance a transporta e chauffeur cu urgencia pa Hospital. E otro chauffeurnan envolvi no tabata herida. Locual cu si tin ta hopi daño material.