Aglomeracion y detencion na Eagle Beach: Polis a core cu tur hende for di sitio

16335

Diadomingo atardi a presenta polis di diferente districto pa asina ordena tur hende cu tabata presente na Eagle Beach pa bandona e sitio inmediatamente.

Un cantitad grandi y gran mayoria hoben tabata den “ambiente” formal na Eagle Beach cu bebemento y tocamento manera ta custumbra tur diadomingo. Autoridad no por compronde con e personanan aki no ta tene cuenta di e seriedad di e situacion cu nos Isla ta pasando aden relaciona cu coronavirus y e medidanan cu tin actualmente entre otro esun di aglomeracion.

Ciudadanonan no ta compronde e seriedad di e situacion: Polis coriendo cu hende for di Eagle Beach, detencion a cay!

Posted by 24ora on Sunday, September 13, 2020

Na sitio a pidi demas colega pa bin duna un man cu e grupo grandi presente y asina cuminsa core cu tur hende for di sitio. Mientras esey tabata tuma luga dos dama a start un discucion cu a termina na detencion. Polis a purba interveni pero no a logra, nan no tabata haci caso di orden di polis y no a keda nada otro cu pasa pa detencion.

A tuma nota di presencia di polis di playa, di noord, di strand como tambe K9 pa asina caba cu e aglomeracion cu tabata tin na sitio y sigura cu tur hende ta move for di eynan.

Ta keda haci un suplica na e comunidad, muy en particular e hobennan, pa duna un man evita cu e virus aki sigui plama y atene nan mes na e reglanan stipula.