Vaping bou di hobennan ta algo cu tin atencion di Fundacion Anti Droga Aruba. Ta pidi mayornan pa pone mas atencion na hobennan a nan no cay den e adiccion di vaping.
A mira ultimo dianan un video den circulacion unda ta mira un grupo di hoben ta vape den un baño. Esaki ta algo cu tin FADA preocupa. P’esey nan ta haci apelacion na scolnan cu si nan mester di ayudo pa hiba e informacion di peligro di vaping na e hobennan, FADA por duna un man den esaki.
Mayoria di e aromanan den e vaping tin nicotina y esaki tin su efecto riba hobennan, mirando cu cerebro di hoben ta stop di desaroya te cu nan 24 aña.
FADA ta haya cu e mayornan mester tin un control mas pisa riba e situacion aki, papia cu yiunan y mustra e peligro riba nan y sigur no uza e aparato aki den presencia di mucha of hobennan.
Rish-Ann Ammerlaan, trahado preventivo di FADA a splica kico tur e fundacion ta haci riba e tereno aki.
