Diahuebs atardi riba e caminda di Santa Cruz a sosode un accidente di cadena. Esaki a pasa den careda di 4:30 pm. E pickup Isuzu Dimax tabata warda p’e auto su dilanti ta bay lora, pero e Kia Rio color blauw no a mantente su distancia y ta dal tras di dje.
Na mes momento tabata biniendo un Suzuki Vitara color shinishi y e chauffeur no a regula na tempo velocidad di auto. Consecuentemente el a dal tras di e Kia Rio. Esaki a pone cu e accidente tabata di cadena.
Polis a presenta na e sitio pa tuma datonan di e accidente. A pidi asistencia di ambulance, unda cu e paramediconan a controla e muhe di e Kia Rio, kende tabata keha di dolor.
