Vanessa Tjon-Kock: Cuerpo Policial no ta haci distincion di luga ora di cumpli cu regla

Ultimamente por a tuma nota cu tin diferente comerciante tabata critico riba medionan social y di comunicacion pa locual con Cuerpo Policial ta hanteer e maneho con estricto nan ta cu cierto comercio, den e mesun embergadura.

Manera restaurant, bar of un club y nan ta haya cu cerca nan ta mas streng, cerca otro ta menos streng. Segun Alto Comisario Vanessa Tjon-Kock, e criticanan cu Cuerpo Policial ta haya y a haya ta masha hopi mes.

E momento cu polis ta bay actua contra un doño di establecimentom prome cu nan puntra pakico, ya caba a haya critica.

Vanessa Tjon-Kock: Cuerpo Policial no ta haci distincion di luga ora di cumpli cu regla

Vanessa Tjon-Kock: Cuerpo Policial no ta haci distincion di luga ora di cumpli cu regla. Click link pa mas https://24ora.news/2XlwQiU

Posted by 24ora on Thursday, January 7, 2021

P’esey ta purba di splica cu polis ta autorisa pa por actua. Hopi biaha ta puntra si ta autorisa pa actua, ta exigi pa haya algo preto riba blanco pakico por cera un establecimento. Pesey segun e alto comisario, ta bon pa tur hende compronde cu ta trahando cu un decreto ministerial.

A base di esaki Cuerpo Policial sa tambe exactamente ki ora por actua.

No ta haciendo ningun distincion di luga. Loke si ta haya ta e discusion pakico ta cera un, pakico no ta cera e otro. Loke si tin di bisa cu den e ultimo fin di siman a cera bastante establecimento y caminda cu berdad cierto momento tabata tin diferente di nan cu no tabata contento, ora cu bisa nan cu tin cu keda cera te ora cu bin un control riguroso entre otro di personal tambe di DVG.

Esaki ta algo cu a splica durante di e prome parti caba di e medidanan, splicando cu en realidad lo keda cera te ora cu por haya cu e control aki. Esaki no ta algo cu e doñonan di establecimento ta aprecia.

E no tin nada que haber cu distincion di ningun forma. A haya cu diferente otro establecimento pa opta riba nan mes pa cera. Esey ta e diferente. E momento cu autoridad a yega na nan porta, prome cu Cuerpo Policial por a tuma e decision pa cera e luga a base di aglomeracion of no mantene na regla, e doño di establecimento cu ta ripara cu e situacion ya caba a sali for di control, mirando aglomeracion. El a opta pa cera e luga y esaki ta e diferencia.

No tin diferencia di e momento di Cuerpo Policial si el a cera of no cera e luga, Tjon-Kock a splica.