Universidad di Aruba a habri su di 32 aña academico

Diabierna anochi a tuma luga apertura di e di 32 aña academico di Universidad di Aruba. Rector, Glenn Thode, a refleha bek riba e aña cu a pasa. Ta mira dilanti riba e aña cu ta bin. Durante di e anochi, tabata tin un orador special, cu a hiba palabra y alabes su despedida na e Universidad.

E special di e aña aki ta e programa nobo di SISTEM, cual ta un colaboracion di KLeuven hunto cu Universidad di Aruba. Danki na e hecho cu Aruba a pidi ayudo na Union Europeo cu nan ta pone placa disponibel di ayudo sostenibel pa Aruba, ta bay na un proyecto cu Universidad ta bin cun’e. Esaki a resulta di ta e proyecto SISTEM.

E ta algo nobo e aña aki. Banda di esey ta mira interesante, cu e programanan a atrae hopi studiante e aña aki.

E cantidad di studiante di e aña aki ta 711. A ricibi den inscripcion pa e prome semester caba casi 40 studiante cu ta bin di afo como exchange students. Ta atrayendo mas studiante, segun Thode.

Thode a agrega cu e aña aki ta spera cu ta bay den preparacion pa aña di Maria Convent na Universidad di Aruba. Awor aki tin mucho poco espacio pa e cantidad grandi di studiante y e docentenan tambe cu ta necesario pa duna les. Esey ta nifica cu en berdad mester expande den e infrastructura y parti di e placa cu ta bin di Union Europeo, lo bay pa renoba Maria Convent y añadi na e infrastructura di Universidad di Aruba.

Thode ta gradici na comunidad di Aruba cu ta via di Parlamento, Gobierno, e presupuesto di Aruba, comunidad ta sostene e universidad nacional aki pa haci e trabao cu nan ta haci. Ta gradici masha e comunidad di Aruba pa sostene nan y sigui confia nan pa por sigui desaroya, Thode a bisa por ultimo.

Sharin Luydens ta hefe di censo, alabes ta president/curator di e board di Universidad y el a menciona cu e hunta ta traha den un team. Nan ta forma parti di e dagelijks bestuur hunto cu e rector di e Universidad. Nan ta mas tanto ta fungi como supervision di e Universidad.

Luydens a menciona cu Universidad, di tempo cu el a bin, a crece. E ta contento di wak con e ta bayendo. Semper tur caminda por miho y lo duna tur sosten na Universidad, na su rector, pa e sigui haci un tremendo trabao.