Receientemente a wordo funda un grupo di Productornan local. Esaki ta hiba e nomber di United Farmers Aruba (UF). Presidente actual ta sr. Gregory Fung-A-Fat.
E intencion di (UF) ta pa por crea, deliña y purba na yega na un mihor forma pa atende cu diferente puntonan di preocupacion riba diferente tereno cu ta cai bou di agricultura y cria. Esaki ta na bienestar di tur esnan cu ta produci un of otro producto local.
United Farmers Aruba ta hasi un invitacion personal na tur nos productornan local pa un presentacion/informacion riba diahuebs 4 di Oktober cuminsando 6:30 di atardi aki na Santa Rosa su Oficina. Di e forma aki nan lo informa tur esnan presente kico lo ta nan idea y plannan pa futuro. Lo tin oportunidad tambe pa incribi y bira miembro di (UF). Asina ta bo tin un cita cu United Farmers Aruba (UF) diahuebs 4 di oktober aki na Santa Rosa su oficina cuminsando pa 6:30 di atardi.
