Aruba Softball Bond a inicia aña 2018 bastante activo. Bestuur di ASB a tene 2 reunion den
Januari efectuando preparacionnan nesesario pa diferente actividadnan conforme nan plan. Un parti di programa di ASB ta pa prepara un selecion masculino kendenan lo mester bay
representa Aruba 1 pa 9 di Juni na Monteria Colombia den campeonato di CONSURSA.
Manera ta conosi WBSC cu ta e organisacion mundial esta World Baseball and Softball Confederation a inicia cu un protocol recientemente di puntacion cual lo determina un posicion riba tabla mundial esta di ranking. Pa weganan na Colombia esaki ta uno valido y paisnan miembro mester participa pa bin na remarke y subi ranking mundial. ASB lo bay splika tur detayes durante reunion di pre selecion. E reunion aki lo tuma lugar diaranson awor 31 di Januari cuminsando pa 730pm sharp na residencia di Endy Croes.
ASB ta hasi un apelacion na tur hungadornan cu a wordo invita pa dicho reunion pa acudi y asina por compromete cu e plan total di preparacion cual lo inicia e promer siman di Februari. Softball lo bay ta conosiendo un deminsion diferente den 2018. Pre Selecion ta wordo jama basa riba averahe y performance di campeonato 2017 y alaves experencia di hungadornan den combinacion cu talentonan hoben cu lo mester bay carga nos selecion den futuro sercano. Be there!!!
