For di basta luna caba, un grupo di amigo musico a dicidi di reuni pa combersa riba e situacion actual. Cada un a yega n’e mesun liña di pensamento, tur di nan cu experiencia amplio den diferente banda local sin laga’fo esnan di exterior. Aki ta unda e experencia di cada un di nan a bin dilanti y a compronde tur tin nan propio ideologia y forma pa expresa nan musica cu ta acopla n’e color musical, identidad, c’un repertorio amplio pa domina tur genero bailable di AMYZO.
No ta un secreto cu awendia no ta existi banda grandi, ni chikito, e digitalisacion mundial den e parti musical ta un instrumento cu hopi artista y banda conoci cu a yega di bishita nos pais ta uza den nan presentacion den circuito cera y masivo / concierto. E uzo corecto di diferente software por brinda un banda di 6 zona manera miho of mesun cos c’un banda grandi.
P’e razon aki AMYZO ta haya derecho di existencia pa su concepto pa dirigi nan mes na un mercado cu poco banda ta yega na dje. Despues di a studia tur aspecto relaciona cu e parti musical y situacion actual, pais Aruba y mundo lo sali for di e pandemia, nan tur a fiha bista pa presenta e ensamble cu awendia yama AMYZO.
E experiencia di cada un musico y vocalista ta escencial pa crecemento di e banda, no solamente riba escenario local, pero sigur for di Aruba. Seis (6) artista bao di e nomber “AMYZO” cu e respaldo total di “High Performace” ta bisa bo tur cos caba. Propietario di e compania di luz y zonido a tuma e proyecto musical aki cu dos man despues di a reuni cu e lider y management di AMYZO.
“Esaki ta loke e mercado local ta haya falta di djie, un concepto hopi profesional. For di e prome imprescion cu nan a mustra’mi, mi a keda encanta cu locual AMYZO a plantea. No solamente den e parti musical, pa nan repertorio varia pa tur hende baila, sino tambe for di e presentacion di e nomber, cu su imagen, e logo…..tabata un pakete completo cu a mustra con organisa y profesional nan ta”, esaki tabata loke dirigente y propietario di High Performace a duna di conoce.
Ademas AMYZO ta conta c’un sistema di zonido nitido, monitor (wireless) y luz cu nunca bo a yega di scucha y mira den un presentacion di un banda, AMYZO lo laga bo baila bo felicidad y alegria (Dance your Happiness) manera ningun otro.
High Performance ta programando un show virual cu diferente banda local y p’e ocasion ey AMYZO ta un di e bandanan cu lo participa na esaki, asina tambe lo bo scucha y mira den su totalidad ken tur ta forma parti e banda. Relaciona cu esaki ta pendiente ya cu mester caba di finalisa algun detaye di e produccion audio visual cu ta bay transmiti.
E pronunciacion di e nomber AMYZO tin un toke semi-Frances pasobra e concepto ta acapara un ‘target group’ di hende nechi cu gusta baila tur genero. AMYZO tin un repertorio amplio pa diferente genero como tambe loke a bira masha popular na tur tipo di fiesta esta “La hora loca”, nan tin esey cla tambe.
Pa loke lo bira nan prome tema promocional cu su video clip ta programa pa sali pronto ya cu lo tin cu scoge entre e 5 temanan cu AMYZO tin caba prepara pa lansa.
